Aida, çfarë note do t’i vendosje vetes në këtë eksperiencë?
10 për vërtetësinë dhe 8 për lojën.
Po njerëzit e tu më të afërt si e komentuan qëndrimin tënd, a të bënë kritika?
Si për habinë time jo. Si asnjëherë tjetër më thanë me zë të lartë: Jemi krenarë për ty. Për mua kjo është fitore, s’dua trofe tjetër.
Po vëllain e vogël e takove, a të kishte parë dhe si i ishe dukur atij?
Tema e familjes sime është përfolur shumë dhe unë s’do ta lejoj më këtë, qoftë edhe me një “po”, ose të kundërtën e saj.
Pse dole pikërisht ti Aida? Kur ta di, do ju përgjigjem.
A ke pasur gabime dhe cilat kanë qenë ato gjatë qëndrimit në shtëpi ?
Mesa duket, ky është realiteti…duhet të dish të aktrosh.
A ka miqësi brenda në “Big Brother”, po dashuri?
Po ka, por është e vështire t’i gjesh dhe t’u japësh jetëgjatësi atyre, përderisa ka konflikt interesi.
Kush të duket çift i vërtetë, Adela-Bjordi, apo Arjoni dhe Anjeza?
Adela dhe Bjordi janë partnerë të domosdoshëm loje për njëri-tjetrin dhe në vërtetësinë e lojës, po ata janë çift. Arjoni është respektues fanatik i ndjenjave dhe përjetues me shpirt i dashurisë. Anjezën nuk e njoh edhe aq shumë.
Kush është Adela për ty?
Dikush i rastësishëm dhe që s’ka lënë gjurmë në rrugët e jetës time.
Po Sori?
Një luftarak i denjë.
Cilin nga banorët do ta nxirrje menjëherë nga shtëpia?
Anjezën për mosmirënjohjen e saj.
Ke pasur ndonjë frikë gjatë qëndrimit në atë shtëpi?
E vetmja frikë, nëse mund të cilësohet e tillë, ishte keqinterpretimi i opinioneve të mia.
Po tani, çfarë do të ndodhë me ty, planet e tua?
Si përherë…do të vazhdoj të eci për të krijuar botën time dhe të mundohem për gjërat që ia vlejnë të më rrethojnë.
Aida, a je e lumtur?
Mundohem dhe investoj shumë për të qenë e tillë.
Ke shumë fansa, a ke ndonjë mesazh për ta?
Ju falënderoj që ishit aty për mua, për përkrahjen tuaj pa u lodhur në çdo moment dhe në çdo hap që unë kam bërë. Ju jam mirënjohëse dhe ju përqafoj fort.
