Rreth 300 mijë qytetarë kosovarë pajisen me pasaporta

Me qëllim të plotësimit të njërit prej kritereve të liberalizimit të vizave me Bashkimin Evropian, pasaportat aktuale do të vazhdojnë t’iu shpërndahen shtetasve kosovarë, vetëm deri në mesin e vitit të ardhshëm, meqë nga atëherë do të fillojnë të shpërndahen pasaporta biometrike.

Këshilltari për media i ministrit të punëve të brendshme, Fisnik Rexhepi, thotë se pasaportat aktuale, do të vazhdojnë të kenë vlefshmëri deri në skadimin e natyrshëm, që do të thotë se edhe për vite me radhë, një pjesë e qytetarëve do të mund të udhëtojnë me pasaporta të Republikës së Kosovës.